Borekontraktar – basebygg – og litt til
Tirsdag 3.april fekk me melding om tildeling borekontraktar for plattformboring for Statoil. Me beheld / fekk fornya kontraktar på Oseberg B-C-Sør-Øst, og Kvitebjørn. Gullfaksfeltet (A-B-C) gjekk til Archer. Dei nye kontraktane byrjar 1. oktober 2018. Etter tildelinga har me då 5 plattformer (boring på 3-4), Odfjell 1 (+ Sverdrup), Archer 10 (+ Veslefrikk) for Statoil i denne tildelinga.
Ved tidlegare kontraktsbyte har ein praktisert «virksomhetsoverdragelse», altså at personell fylgjer med over til nytt selskap.
Onsdag 4.april starta me dialog med SAFE-klubben i Archer med klubbleiar Reidar Rikstad. Også Oljearbeidarforeningen (IE plattformboring) vart med på samtalane.
Archer-klubben ynskjer minimalt med intern flytting av personell til/frå Gullfaksfeltet fram til dei skal overta for å gjennomføre ein virksomhetsoverdragelse. Dette kan bli utfordrande, då det er varsla borestans på Kvitebjørn i juni, 3 månader før kontraktane vert iverksett.
Me drøfta og overføring personell kompetansepool knytt til Gullfaks, operasjonsgruppa land som jobbar mot Gullfaks og kva stillingar dette gjeld i KCAD.
I Archer er det delte stillingar mellom dekk og boredekk, i KCAD er alle boredekksarbeiderar, med dekkskompetanse.
KCAD sitt tarifferte personell på plattformboring er på sokkel/NOG-avtalen, Archer på NR/rederiavtalen. Dette tek Archer opp m.o.t. kva avtale personell overført skal gå på.
Tysdag 10.april er me innkalla til møte med leiinga i KCAD for å drøfte / bli informert om verknader med kontraktane, borestans/faseskifte Kvitebjørn juni, og konsekvensar for bemanning på land.
Mongstad-basebygg;
Trass i at me må redusere grunna kontrakten på Gullfaks, vert det sett opp nytt bygg til KCA Deutag på Mongstad forsyningsbase. I dag er det 7 bygg me brukar spreidd rundt på baseområdet. Dette skal samlast under eitt tak. Bygget vert 8-10 000 m2, og vil gjere forsynings- og logistikktenestene meir effektive.
Bygget vil romme lager, områder for mottak, utskiping, teknisk område, vaskehall, kontor og anna relevant for basetenester og lettare vedlikehald av utstyr.
For tida er det graving- og sprenging på tomta der bygget kjem.
Underteikna deltok på møte med basesjef og basetilsette, saman med vernetenesta i KCAD, yrkeshygienikar frå bedriftshelsetenesta, og var representant for dei tilsette på MODU.
Me gjekk gjennom ei rekke tekniske- og ergonomiske tilhøve; alt frå rømningsvegar til stråling, ventilasjon, støy og kran-kapasitetar.
Bygget skal vere klart for innflytting 1. juni 2019.
NR-tariffkonferanse;
Tysdag 10. april er det tariffkonferanse for området rederi i SAFE.
Konferansen vert på SAFE-huset i Stavanger, nestleiar Modu Bjørn Tore Jensen og underteikna deltek. Me tek med oss krava som kom opp på Tillitsvalgtkonferansen, og har i tillegg fronta ei gruppe tilsette på individuell avlønning. Tariffkonferansen gjer grunnlag for krav frå SAFE i forhandlingane med Norges Rederiforbund siste veka i mai.
Val av tilsetterepresentant i styret KCA Deutag Modu Operations;
Dei tilsette i Modu vil snart få tilsendt (KCA-mailen) oversikt samt vallister for kven ein kan få inn i styret. Dei fleste nominerte er SAFE-medlemer, valkomiteen har møte måndag 9. april for å setje opp kven som har sagt ja til å bli valt. Sender eigen info til Modu-medlemene når alt er klart for avstemming.
Tjelmen 8. april 2018
Bjarte Lygre
Klubbleiar
SAFE i KCA Deutag
Tlf 55986810
Mobil 93600127